+0 به يه ن
سو اؤزؤنده اؤزه نلر
چوخ
يونگول
چوخ آغير.
سو اؤزؤنده
دورانلار
قوپ-قورو
سو
آلتيندا ياشيانلار
دوپ-دورو
گورمئييديم
گورونني
گورونمه يني گورئيديم.
سو
اؤزؤ، سويوق
سو
آلتي، ايستي
سو
آلتيني قيزديريبلار
باغلي گيزلين نفسلر.
سو
آلتيندا ياشيانلار
باتميش گميلردن قالان صانديقلار.
آچيلسالار
قيزيل
آرزيلار
گؤمؤش گؤلؤشلر
اينجي ايستكلر
پار- پار پاريلدياجاق
كيچيك قارا باليغين دوداغيندا
آچارلار.
سوآلتيندا
نيلوفرلر
آه چكيرلر.
سو آلتيندا
مرجانلارين
اؤره گي قان.
سو اؤزؤنده
ظاهري خوش
ايچلري
بوش
حبابلار.
سو آلتيندا
درينليك
لر.
قورباغالار.
سو آلتيندا
نهنگ لر.
سو اؤزؤنده
اوزلريني گمي سانان
قورو چوپلر، زير- زيبيللر!
سو آلتيندا
سوواريلميش پولادلار
آييق- پارلاق شمشيرلر
دنيز دالغالانسا، اؤزه چيخاجاقلار
اسكلتلي بايراقلاري
ييخاجاقلار.......
26/9/1364
ايمران صلاحي
