+0 به يه ن
مير علي سيد سلامت
ساري گلين اويونو, ان اسكي آيين, اويون مراسيملردن بيري سايـيلير. سالور قازانـين خانمانينـين يـيغمالانما, بويوندا دئييلير.
«شوكلي مليكين قوشونو, دون بوجاغيندان قازان بگين اوردوسونا گلدي- آلتون بان ائولرين كافرلر چاپديلار,… بويو اوزون بورلا خاتون اسير گئتدي. قازان بگين قاريجيق اولموش آناسي قره دوه بوينوندا آسيلي گئـتدي, خان قازانـين اوغلو اوروز بگ, بوينو باغلي گئـتدي.» (كيتاب دده قورقود «فرزانه»).
آلتون بان ائولر, ايشيق اولكهسينين «گونش»يندن عبارتدير, كي مليك شوكلي الينده اسير گئدير. بو اسارت اوروز (اينك رب-و- النووو) ايله بيرگه ۱۶ ايل قدهري, زامان آپارير. اون آلتي ايلدن سونرا, اوروز, گونش (يا سلجان خاتون- كي اسير دوشموش گونشدن عبارتدير و مليك شوكلينين قـيزي آدلانـير) يارديمي ايله, دوستاقدان قاچير و دوباره قايـيديب بير قارا وحشي اينكله موباريزهيه داخيل اولماقلا و غلبه چالماقلا, گونشي اسارتدن آزاد ائديب, اؤز بوينوزلاري اوسته حمل ائديب, قازان بگين يارديمي ايله محلينده نصب ائديرلر.
ساري گلين رقصي, اوروزون, قارا وحشي اينكله موباريزهيه داخيل اولماقدان اؤنجه بو موباريزهني عزيزلهمك آيين, مراسيم ايفاسيدير. فيگورجا, بير قول باغلي, بير قول آچيق, گؤز گونشده- «طلب», «تمنا», «شيداليق»… ان يوكسك درجهده, گؤستريلير. او كس كي موباريزهيه داخيل اولوب, اورهكدن, گونشه, ايشيغا, عاشيقدير و بو عئشق علويت, باشي اوجاليق, عدالت و دونياني ايشيق طرفينه چاغيرماغا, دوغرو اولور. دئمهلي, sari, گونشدير. دئمك, ساري گلين گونشين اهريمن اليندن آزاد اولما مراسيمي- آييني سايـيلير.
